PhoneHK 討論區 - 版主分享/交流區 - 無手機恐懼症

lau_216
資深版務版主
Rank: 9

UID 63571
精華 1
積分 6509
帖子 6394
閱讀權限 100
註冊 2004-7-2
來自青衣
狀態離線

無手機恐懼症

[Close]

自從手機上網普及，再加上智能手機發展迅速，唔知道大家有冇發現近年朝早坐地鐵返工個陣，愈來愈多人手上拎住個樣唔係一份份報紙，而係一部部手機呢？最近有報道指出超過一半港人有「無手機機恐懼症」，到底係乜野原因令到大家機不離手？乜野原因令大家過份依賴手機？

多元化功能
以前有部手機在手已經係一件了不起的事。不過今時今日，如果你部手機既無大mon又未有LTE (4G)上網，你就係唔夠潮，畀人話你唔夠in！手機已經係多合一行動裝置，由黑白屏幕手機只有貪食蛇遊戲開始去到手機可以用作影相、聽歌、睇片、打機、上網等等只不過係近十年左右的事。以前出街要聽歌，就要去去CD鋪買碟放落部walkman聽，而家有手機裝個kkbox就搞掂；以前出街要帶埋相機，而家手機有得影相兼且可以即刻放上facebook同朋友分享；以前出夜街要錄低電視劇，而家用手機上mytv就有得重溫…

通訊方便
手機分別提供語音、文字以及視象通訊功能，我地十數年前要同遠方親友聯絡，會選擇寫信(文字)或者用錄音帶(語音)郵寄畀對方，最多加一張近照(視象)…到今日我地可以隨時隨地用即時通訊軟件同親友們聯絡，呢分鐘同日本分公司秘書Candy傾緊聽日幾點去機場接機，下一分鐘就收到遠在上水屋企ge女朋友send張相話你知佢收到你買畀佢個99枝紅玫瑰同酒心朱古力，再下一分鐘有個group chat傳來老友Cindy生左個BB重7磅7…

手機功能多元化以及方便的確為我地帶來好多好處，不過你又有冇諗過有一日你出門後之後發現自己無帶手機你又會點呢？返到公司想打電話畀Wendy今晚confirm八點半食飯，但係無左部電話在手，腦袋一篇空白記唔起佢電話號碼；去toilet個陣諗住睇下whatsapp男子組個group chat話約一陣lunch去邊度食飯，但係電話漏左o係屋企個廁所…跟住你整日都會因為無左部手機而感到焦慮不安。

我自己唔會太依賴手機，一方面我記電話號碼比較叻，如果係我朋友的話我多數都會記得你號碼唔需要搵電話簿。另一方面所有重要訊息我係會選擇親自打電話同朋友交代，因為呢個係最直接同最有禮貌做法。我知道好多人而家鍾意whatsapp或者wechat 對方就算，但係有時我地好難從幾個字入面分辨出事情緩急輕重，加上我地唔可以肯定對方有冇及時接收到你ge訊息。所以，方便歸方便，大家唔應該過份依賴手機，香港研究協會指過分依賴智能手機進行溝通，勢必衝擊傳統溝通模式，對人際關係造成相當程度的影響。各位不妨檢討一下喇。

圖片附件: Screenshot_2013-04-11-13-17-35.jpg (2013-4-11 01:57 PM, 91.43 K)

各位如有疑問，歡迎PM

iPhone 6 x 3 LTE,
iPhone 5S x CMHK 中港數據
F-04E, Moto X, PUMA手機, SoftBank 830SH
揸車 (導航) 必備 - Nokia Lumia 720 Windows Phone

2013-4-11 01:57 PM