PhoneHK 討論區 - 版主分享/交流區 - 手機軟件升級 – 人升我又升？

lau_216
資深版務版主
Rank: 9

UID 63571
精華 0
積分 6326
帖子 6320
閱讀權限 100
註冊 2004-7-2
來自青衣
狀態離線

[廣告]: ChatON 有著數．即享「唱 K 、睇戲」優惠

手機軟件升級 – 人升我又升？

[Close]

近排玩開Android機班朋友人成日都會提到ice cream sandwich (即4.0版本)；用緊iPhone 就會關心ios 6有乜野新功能；仲有當然係用windows phone班老友會留心wp8有咩咁吸引。其實你又知唔知點解要搞咁多野又話升級又話更新？係咪聽見都頭痛，又唔知使唔使跟大隊升級呢？升級又有咩意思呢？

升級顧名思意代表將現有之件稍作加強，提升效能。科技日新月異，半年前買部Galaxy S2仲講緊行2.3.5版本，點知轉頭就推出4.0版本可供下載！其實，早左6-7年前，已經有部份手機生產商，例如Sony Ericsson已經向用家提供自行手機軟件升級服務，只要配合一部有得上網電腦，加上一條傳輸線，跟住就可以自行為手機軟件更新。不過，以前大部份普通用家都唔會，或者可以講係唔敢自己升級部手機，因為過程一來比而家繁複，而且更新過程中好易出現問題導致「死機」，又或者更新完成後所有手機內資料盡失等等。時至今日，手機要升級？不單唔使自己上網四圍問：「有得升未呀師兄？」，仲唔使「拆電，長按c掣再插線」咁多野搞！好似iPhone用家咁，只要你一插部電話同iTunes連線，就會提示你有得升級，仲會自動同你做一個備份，唔需要用家自己更新完成後自己再慢慢入過所有資料，十分方便！

今時今日手機軟件一升級，用家可能會發現手機多有好多不同功能，多左幾個icon，多左個shortcut等等，有時更加會係整個介面改頭換面！今時今日手機軟件一升級，用家可能會發現手機多有好多不同功能，多左幾個icon，多左個shortcut等等，有時更加會係整個介面改頭換面！不過，有時官方推出所謂「新」功能，可能一早已經有第三方開發者透過不同途徑將有關功能加插落手機，好似iPhone wifi share功能，最初都係jb用戶先有得用。

你實會問：咁有更新推出，我升唔升好呢？
以下係我個人畀大家幾個建議作為參考：
1.如果係小型更新 (如iOS 5.0 升上5.1)，主要以修正bugs為主的更新，不妨去馬！

2.如果係更新到新一個版本 (如Android 2.3 升上4.0)，建議各位先上手機討論區如phonehk / ringhk 睇一睇報告，一定會有人第一時間升級，再講下升級之後好唔好用有什麼大改動之類。例如早前Galaxy s2升上4.0時，部份apps未能第一時間於新版本上運作，呢一點必須留意！

3.其實我一直無升級，不過有部份apps要求我先要升級手機軟件先可以使用。呢個時候你就「被迫」要升級，除非你可以放棄呢個apps / 已經知道手機於更新後有後遺症！

另外，升級前有幾點大家都要留意：
1.緊記手機要有足夠電量，最好更新前差滿電先！
2.最好於更新前做多一次back up (sync所有資料到email / outlook，將所有珍貴相片抄到記憶卡 /電腦)
3.在穩定上網情況下進行更新！
4.如果你係每分鐘有幾百萬上落，敬請先將手機飛線到另一電話！

最後提多一次大家：更新手機始終有一定風險，更新過程出錯可能會導致資料流失，或者令手機無法正常使用，需要返廠維修。