Board logo

標題: Aunt傾爆分鐘事件 (二) [打印本頁]

作者: lau_216    時間: 2014-6-28 12:21 AM     標題: Aunt傾爆分鐘事件 (二)

經過了解原來aunt個仔最近買左部新ge Andriod電話畀佢用,aunt本來就用緊W850i (Sony Ericsson呀!有實體數字鍵個d手機呀大家…係咪已經唔多記得喇?!),根據我經驗所見,好多初次接觸智能手機ge年長朋友,好多時都係習慣左「襟掣」收線,即使有大大個紅色收線icon顯示於當眼位置。大多數智能電話好係iPhone或者Samsung Galaxy 手機,大多數機面只有一個實體按鍵…當大家通話中襟呢個掣,手機就會退出通話畫面,跳返去桌面,只會o係最頂有一行閃下閃下提醒大家通話中,又或者只有一個電話icon出面…試問五六十歲ge用家,邊會留意自己襟錯,仲留意到有d野閃下閃下提示緊佢地呢? NO WAY!

曾經有朋友問我買乜野電話畀佢地六、七十歲爸爸媽媽用,尤其早期紅米熱潮,好多仔女都想用山寨機價錢買一部正牌手機。我通常都建議佢地買一部有實體數字鍵手機,仲要個數字鍵係黑底白字唔會銀底白燈,咁先包佢地睇得清楚d掣!若然佢地 (或者你地強迫佢老人家)想用智能手機上網同兒孫whatsapp,又或者睇下股票、追下韓劇的話,寧可你買多部電話,出多張幾十蚊限速不限量電話卡畀佢地使用:老人家佢地手部皮膚無後生仔女咁好,唔係成日第一下襟個mon都會有反應,尤其緊急情況,你仲要佢先解鎖再click入通話頁面先打得電話求救,一部傳統手機只要直接按個數字鍵就搞掂。好似我呢位aunt咁,遇上一部反應唔太順暢ge 智能手機,眼見襟黎襟佢部電話都唔著mon,佢就起勢不停襟襟襟襟襟到部手機著為止,結果到部手機有反應個陣就開關開關個mon,閃到眼都花埋先可以解鎖,又再去襟多幾襟先打得到電話,真係費時失事。另一方面,老人家大多都唔係追求上網速度,幾十蚊限速不限量計劃就可以免卻大家擔心收到天價帳單呢個擔憂…你咪話一打開張帳單見到三千蚊電話費,真係嚇一嚇 (我咁大個仔都係同老細出trip傾roaming傾左二千蚊咋)!

[attach]124540[/attach]
唔係講笑,老闆自己真係自己揀呢d佢口中 "cheap cheap電話"黎用,佢話呢d Nokia機最信得過…佢琴日又買多部返黎叫我幫佢過電話簿lu



待續…


[ 本帖最後由 lau_216 於 2014-6-28 12:23 AM 編輯 ]

圖片附件: nphone_Fotor.jpg (2014-6-28 12:21 AM, 89.51 K) / 該附件被下載次數 571
http://board.phonehk.com/attachment.php?aid=124540






歡迎光臨 PhoneHK 討論區 (http://board.phonehk.com/) Powered by Discuz! 4.1.0