PhoneHK 討論區 - 版主分享/交流區 - Aunt傾爆分鐘事件 (一)

lau_216
資深版務版主
Rank: 9

UID 63571
精華 1
積分 6509
帖子 6394
閱讀權限 100
註冊 2004-7-2
來自青衣
狀態離線

Aunt傾爆分鐘事件 (一)

[Close]

先問大家幾個問題…
1. 你到底知道唔知道你個月費計劃包含幾多通話分鐘？
2. 你會唔會隔幾日就去check下自己用左幾多分鐘？
3. 你試過爆分鐘未呢？

圖片附件: a01.jpg (2014-5-27 01:14 AM, 124.03 K)

我諗今時今日，大家最留意就係個plan係包幾多數據流量，咩速度同有冇防止爆plan功能，個plan到底包你幾多分鐘，你轉台 / 開台個陣有冇主動問過？好似我自己咁樣，為免爆plan，就選擇最貴三四百蚊ge無限上網計劃，唔講唔知原來個plan除左首6GB流量無速度限制，仲有5000通話分鐘…但係過去一年，我最多一個月先係用2000分鐘左右 (同邊個傾…心照啦！)。

圖片附件: a02.jpg (2014-5-27 01:14 AM, 125.22 K)

▲大家對比一下10年前同今日，$100樓下月費有包含ge服務又有乜分別？

到底，通話分鐘係咪咁貴咁值錢呢？今時今日黎講，數據用量就應該值錢D，你睇人仔台都推出埋流量交易平台就知。不過講舊時，你又用過九百蚊得四百幾分鐘ge月費未？又或者一百四十九蚊 500基本+500網內分鐘，仲要先用晒基本500先會扣網內分鐘個種，係咪聽返都覺得唔抵呢？而家三十幾四十蚊就一千分鐘，對比好多國家地方，真係算得上好平咖喇！

身為朋友眼中電話達人，上個星期收到一個家族朋友電話：佢因事住醫院，住左幾日發現手機被人停台。剛巧佢用個間電話公司要有客戶號碼先可以去交費，佢屋企人好不容易先搵得到一張「最後通知」電話單，帳單寫住盡快繳交就預左，但係細看收費項目有個「基本分鐘其後收費」收費千幾蚊咁多？之後睇上面月費計劃係三幾十蚊850分鐘個種最基本計劃嚟，照計一位精明數口清嘅aunt，都知道自己得幾百分鐘，唔會無啦啦一下子傾多千五分鐘掛 (你無眼花，佢total 係講左二千五分鐘㗎 ) ！再者，因為被停台嘅關係要打去電話公司，順道了解一下aunt個帳戶最近幾期使用量，發現呢個爆分鐘情況已經持續幾個月，而且佢嘅通話記錄顯示佢好多時都係連續通話好長時間。

圖片附件: a03.jpg (2014-5-27 01:14 AM, 124.54 K)